काठमाडौं । नेपाल इन्स्योरेन्स कम्पनीको डेपुटी सिईओ ईश्वर पोखरेलले हिजोबाट कार्यभार सम्हालेका छन् । नेपाल इन्स्योरेन्सले खुल्ला प्रतिस्पर्धाबाट आवेदन माग गरी नयाँ डेपुटी सिईओ नियुक्त गरेको हो । डेपुटी सिईओ बनेका पोखरेल त्यसअघि ८ वर्ष प्राध्यापन तथा नेपाल एसबीआई बैंकमा करिब १० वर्ष, स्टाण्डर्ड चार्टर्ड बैंक, युनाईटेड फाइनान्समा उच्च पदमा रहेर काम गरिसकेका काम गरेका २२ वर्ष लामो अनुभवी बैंकर हुन् । पोखरेलको बीमा पहिलो अनुभव हो ।
सामाजिक सञ्जालमार्फत पोखरेलले कार्यभार सम्हालेको तस्विर सार्वजनिक गर्दै जेष्ठ र श्रेष्ठ कम्पनीमा अबको यात्रा अघि बढेको उल्लेख गरेका छन् ।
