काठमाडौं । शिखर इन्स्योरेन्सको सोमबार लिलामीमा खेलेको बोलकबोलमा प्रतिकित्ता शेयरको प्रारम्भिक न्युनतम मूल्य १ हजार १९० रुपैंया कायम भएको छ । सबै आवेदनहरु खोलिक्दा सम्ममको तथ्याङ्कको आधारमा उक्त मूल्य कायम भएका एनआईबिएल एस क्यापिटलले जनाएको छ ।
शेयर निष्काशन तथा बिक्री प्रबन्धक एनआईबिएल एस क्यापिटलका अनुसार रद्ध हुने आवेदनको तथ्यांक अझै रुजु नभइसकेको र सबै तथ्यांक रुजु भएपछि मात्रै लिलामी शेयरको अन्तिम कट अफ प्राइस निर्धारण हुने क्यापिटलले जनाएको छ ।
कम्पनीले गत असारमा निष्काशन गरेको ३० प्रतिशत हकप्रदमा बिक्री नभएको शेयर लिलामी मार्फत बिक्रिमा राखेको थियो । कम्पनीले ३१ लाख ७१ हजार ९ सय ३२ कित्ता हकप्रद जारी गरेकोमा ८७ हजार ४ सय १२ कित्ता बिक्रि हुन सकेको थिएन । कम्पनीले साउन २१ गते देखि २८ गते सम्म लिलामी बिक्री खुला गरेको थियो ।
