काठमाडौं । एभरेष्ट इन्स्योरेन्स कम्पनीले २५ औं बार्षिक साधारणसभा आज साउन ६ गते गर्ने भएको छ । असार १५ गते बसेको कम्पनीको संचालक समितिको बैठकको निर्णय अनुसार आज साउन ६ गते अग्रवाल भवन, काठमाडौंमा अपरान्ह २ बजे शुरु हुने जनाएको छ ।
सभामा कम्पनीले साधारणसभामा मर्जरमा जानको लागि सम्पूर्ण अधिकार सञ्चालक समितिलाई दिने निर्णय समेत गरेको छ । कम्पनीको सञ्चालक समितिको बैठकले विशेष प्रस्तावमा रुपमा कुनै पनि अन्य बीमा कम्पनीसँग गाभ्ने, गाभिने तथा प्राप्ती गर्ने सम्बन्धी निर्णय गर्ने अख्तियार सञ्चालक समितिलाई दिने निर्णय गरेको हो ।
त्यस्तै कम्पनीले सामान्य प्रस्तावको रुपमा आयव्यय पारित गर्ने र चालु आर्थिक वर्षको हिसाब किताब अडिट गर्न लेखा परिक्षक नियुक्त गर्ने प्रस्ताव समेत लैजानेछ । साधारण सभाले आव २०७६/७७ का लागि लेखापरिक्षक नियुक्ति र पारिश्रमिक निर्धारण पनि गर्नेछ।
कम्पनीले असार २५ गते शेयर दाखिला खारेज बन्द (बुकक्लोज) गरेको थियो। यसअनुसार असार २४ गते बुधबारसम्म कायम शेयरधनीले मात्र सभामा सहभागीता जनाउन सक्नेछन्।
