काठमाडौं । नेको इन्स्योरेन्स कम्पनीले बैंकरको क्षतिपूर्ति बीमालेख अन्तर्गत कृषि विकास बैंकलाई पेश्की स्वरुप अग्रिम भुक्तानी प्रदान गरेको छ ।
बैंकको लहान शाखामा जालसाजी तथा बेइमानीको कारणबाट बैंकलाई हुन गएको हानी नोक्सानीको बैंकरको क्षतिपूर्ति बीमालेख अन्तर्गत दावी निर्धारण प्रकृयामा रहेकोले हाल पेश्की स्वरुप अग्रिम भुक्तानी बापत एक करोड रुपैयाँ बराबरको चेक हस्तान्तरण गरेको हो ।
उक्त चेक कम्पनीका प्रमुख कार्यकारी अधिकृत अशोक कुमार खड्काले कृषि विकास बैंकका उपमहाप्रवन्धक यज्ञप्रकाश न्यौपाने र बजार तथा शाखा ब्यवस्थापन विभागका विभागीय प्रमुख अजय रिमाललाई संयुक्त रुपमा हस्तान्तरण गरेको हो ।
सो चेक हस्तान्तरण कार्यक्रममा कृषि विकास बैंकका प्रमुख कार्यकारी अधिकृत अनिल कुमार उपाध्याय तथा कम्पनीका संचालक धु्रबचन्द्र गौतम र प्रमुख ब्यवसाय अधिकृत विशाल कुमार थापाको समेत उपस्थिति रहेको थियो ।
