१ हजार २२७ विन्दुमा नेप्से परिसूचक
यो साता सेयर बजार परिसूचक नेप्से १ हजार २ सय २७ विन्दुमा पुगेको छ । गत साताको अन्तिम दिन परिसूचक १ हजार २ सय ६७ दशमलव १८ विन्दुमा थियो । सो अवधिमा पाँच दिन बजार घटेको छ भने एक दिन मात्रै बजार बढेको छ । गत मंगलबार २ दशमलव ६९ अंकले बजार बढेको थियो । त्यस्तै, गत सोमबार सबैभन्दा धेरै १८ दशमलव शून्य ४ अंकले बजार घटेको थियो । अन्य दिनहरुमा पनि सोही अनुपातले बजार घटेको छ ।
बैंकिङ्ग परिसूचक
यो साता बैंकिङ्ग परिसूचक १ हजार ७८ दशमलव ५६ विन्दुमा पुगेको छ । गत साताको अन्तिम दिन परिसूचक १ हजार १ सय १८ दशमलव ९४ विन्दुमा रहेको थियो । गत मंगलबार बैंकिङ्ग परिसूचक पनि १ दशमलव ६३ अंकले बढेको थियो । त्यस्तै, सोमबार सबैभन्दा धेरै १९ दमलव ८५ अंकले बजार घटेको थियो । अघिल्लो विहिबार बैंकिङ्ग परिसूचक १२ दशमलव ५७ अंकले घटेको थियो ।
४३६ रुपैयाँले बढ्यो नाडेप लघुवित्त
यो साता नाडेप लघुवित्त कम्पनीको सेयरमूल्य सबैभन्दा धेरैले बढेको छ । कम्पनीको सेयरमूल्य ४ सय ३६ रुपैयाँले बढेको छ । कम्पनीको अधिकतम मूल्य १ हजार २ सय ३२ रुपैयाँ छ भने न्यूनत्तम मूल्य ८ सय ११ रुपैया रहेको छ । त्यसैगरी कम्पनीको अन्तिम मूल्य १ हजार २ सय ३२ कायम भएको छ । कम्पनीको ६ लाख ३३ हजार रुपैयाँ बराबर ५९० कित्ता सेयर खरिद विक्री भएको छ ।
राष्ट्रिय बीमा कम्पनीको शेयर मूल्य १८९ ले बढ्यो
त्यस्तै, राष्ट्रिय बीमा कम्पनीको प्रोमोटर सेयरमूल्य १ सय ८९ रुपैयाँले बढेको छ । कम्पनीको अधिकत्तम मूल्य ९ हजार १ सय रहेको छ भने न्यूनत्तम मूल्य ८ हजार ७ सय ७५ कायम रहेको छ । साथै कम्पनीको अन्तिम मूल्य ९ सय १ सय कायम रहेको छ । कम्पनीको १ करोड ४३ लाख रुपैयाँ बराबरको सेयर १ हजार ६ सय १२ कित्ता खरिद विक्री भएको छ ।
समता माईक्रोफाईनान्स वित्तिय संस्थाको सेयरमूल्य १ सय १ रुपैयाँले बढेको छ । उक्त कम्पनीको अधिकत्तम मूल्य १ हजार ४ सय ३३ रहेको छ भने न्यूनत्तम मूल्य १ हजार २ सय ५६ रहेको छ । त्यस्तै, अन्तिम मूल्य १ हजार ४ सय ३० कायम रहेको छ । कम्पनीको ७० लाख अन्ठानब्बे हजार तीन सय पैतालिस रुपैयाँ बराबरको ५ हजार २ सय ८८ कित्ता सेयर खरिद विक्री भएको छ ।
