नेपाल क्रेडिट एण्ड कमर्स बैंकले सरकारले खडा गरेको कोरोना कोषमा १ करोड रुपैयाँ प्रदान गरेको छ। बैंकले सामाजिक उत्तरदायित्व अन्तर्गत सरकारले खडा गरेको कोषमा उक्त रकम सहयोग गरेको जनाएको छ ।
उक्त रकम मध्ये ६५ लाख संघीय सरकारले स्थापना गरेको कोषमा र पाँच–पाँच लाख गरी जम्मा ३५ लाख ७ वटै प्रदेशले खडा गरेको कोरोना कोषलाई प्रदान गरेको बैंकले जनाएको छ। बैंकले शनिबार संघिय सरकारले खडा गरेको कोषमा उक्त रकम जम्मा गरेको हो भने, प्रदेश स्तर प्रमुखहरुलाई पनि उक्त रकम बराबरको चेक हस्तान्तरण गरेको हो ।
बैंकले यस अघि पनि संस्थागत उत्तरदायित्वअन्तर्गत सहयोग गर्दै आएको छ। कोरोना भाइरस सक्रमयाको महामारी नियन्त्रण तथा सक्रमितको उपचारमा यस सहयोगले मद्धत पुग्ने विश्वास बैंकले लिएको छ ।
