काठमाडौं । महालक्ष्मी लाईफ इन्स्योरेन्स लिमिटेडले प्रधान कार्यालय, उपत्यका भित्रका शाखाहरु तथा विभिन्न क्षेत्रिय कार्यालयको लागि लिएको व्यवस्थापन प्रशिक्षार्थीहरुको चार दिने तालिम सम्पन्न भएको छ ।
चैत्र ४ गते मंगलबारबाट संचालित उक्त तालिम ७ गते शुक्रबार सम्म सम्पन्न भएको थियो। प्रधान कार्यालय काठमाण्डौको तालिम हलमा संचालित तालिममा देशैभरिबाट १७ जना प्रशिक्षार्थीहरु सहभागि थिए । तालिममा जीवन बीमाको आधारभूत विषयहरु लगायत एजेन्सी, मार्केटिङ, अण्डरराईटिङ, प्रोडक्ट र मानव संसाधन विषयमा अन्तक्रिया गरेको थियो ।
उक्त तालिम प्रमुख कार्यकारी अधिकृत रमेशकुमार भट्टराई, नायव प्रमुख कार्यकारी अधिकृतद्धय कमल पन्थी र रामेश्वर श्रेष्ठ, नायव महाप्रबन्धकद्धय सपना देवकोटा खरेल र प्रशान्तराज धमला, एजेन्सी विभाग प्रमुख सिताराम धिमाल र अण्डरराईटिङ विभागका प्रमुख प्रभाकर न्यौपनेले प्रदान गरेको थियो ।
