काठमाडौं । प्रतिनिधिसभाको अर्थ समितिमा छलफलको चरणमा रहेको बीमा प्राधिकरण विधेयकमा नयाँ बीमा कम्पनी संस्थापना हुँदा पाँच वर्षसम्म संस्थापक शेयर धितो बन्धक राख्न नपाइने तथा बिक्री गर्न समेत नपाउने व्यवस्था गरिएको छ ।
बीमा प्राधिकरण ऐनको मस्यौदाको दफा ४७ मा यस्तो व्यवस्था गरिएको हो । सो दफा बमाजिम बीमा कम्पनीको सञ्चालक, सिईओ, लेखा प्रमुख तथा लेखा सम्बन्धी काम गर्ने कर्मचारी तथा एकाघरका परिवारका सदस्यहरुले त्यस्तो पद त्याग गरेको एक वर्षसम्म बीमक तथा शेयर खरिद गर्न नपाउने व्यवस्था गरिएको छ ।
