काठमाडौं । नेपाल बैंक लिमिटेडले तेह्रथुम जिल्ला, आठराई गाउँपालिका– १, सङ्क्रान्ति बजारमा अवस्थित आठराई शाखा सञ्चालनमा ल्याएकोो छ । उक्त नयाँ शाखाको उद्धघाटन प्रधानमन्त्री केपी शर्मा ओलीले गरेका हुन् ।
शाखाको समुद्घाटन गर्दै प्रधानमन्त्री ओलीले नेपाल बैंकको १७७औँ शाखाका रुपमा पुनःस्थापित आठराई शाखाले यस भेगमा नै बैंकिङ कारोवारमार्फत आर्थिक विकासमा मद्दत पु¥याउने विश्वास व्यक्त गरे ।
नेपाल राष्ट्र बैंकका डेपुटी गभर्नर चिन्तामणि शिवाकोटीले अन्य प्रतिस्पर्धी बैंकको तुलनामा नेपाल बैंकमा कर्जामा कम व्याजदर हुनुका साथै निक्षेपको सुरक्षण र सहुलियतपूर्ण कर्जा सुविधा उपलब्ध भएकाले बैंकिङ कारोवारमार्फत आफ्नो व्यवसाय विस्तार गर्न र उद्यमी बन्न सबै वर्ग समुदायलाई आग्रह गरे ।
