काठमाडौं । ग्लोबल आइएमई बैंकले गौतम बुद्ध अन्तर्रा्ष्ट्रिय क्रिकेट रंगशाला निर्माणका लागि एक करोड रुपैँया सहयोग प्रदान गरेको छ ।
धुर्मुस सुन्तली फाउन्डेसनले निर्माण गर्न लागेको रंगशाला निर्माणका लागि सहयोग जुटाउन चितवनको भरतपुरमा सञ्चालित धनधान्याचल महायज्ञमा बैंकका अध्यक्ष चन्द्र प्रसाद ढकालले उक्त सहयोगको घोषणा गरेका हुन् ।
देशकै गौरबको योजनाको रुपमा रहेको क्रिकेट रंगशाला निर्माणमा हातेमालो गर्न सिटिजन लाइफ इन्स्योरेन्स कम्पनीले आफ्ना १०१ जना कर्मचारीको समेत सहयोगको लागि उपस्तिथि गराउने कम्पनीका मध्यपश्चिम् प्रमुख सुनिल पोखरेलले बताए ।
राष्ट्रको खेलकुदको विकास तथा क्रिकेटका क्षेत्रमा विगतमा नेपाली खेलाडीहरुले गरेको प्रगतिलाई थप उर्जा प्रदान गर्दै खेलकुदमार्फत समग्र राष्ट्रलाई एकजुट बनाउने महानगरपालिकाको अभियानमा सहयोग गर्न पाउँदा बैंक परिवार अत्यन्तै खुशी भएको बैंकले जानकारी दिएको छ ।
ग्लोबल आइएमई बैंक परिबार भरतपुर महानगरपालिकाको योजना तथा सम्पूर्ण देशवासीको चाहना अनुसारको यो रंगशाला निर्माण कार्य समयमै सम्पन्न हुने विश्वास बैंकले लिएको छ ।
