काठमाडौं । चालु आर्थिक बर्षको दोस्रो त्रैमाससम्ममा प्रभु बैंकले खुद नाफा १ अर्ब ८ करोड रुपैयाँ कमाएको छ । बैंकले गत बर्षको सोहि अवधिको तुलनामा चार करोडेले नाफामा बृद्धि गर्न सफल भएको छ ।अघिल्लो आ.वमा राईट ब्याकसहित एक अर्ब ४ करोड रुपैयाँ खुद नाफा कमाएको बैंकले यस वर्ष केही रकम प्रोभिजनमा राखेर पनि नाफामा बृद्धि गर्न सफल भएको छ ।
बैंकको खुद ब्याज आम्दानी र संचालन नाफामा वृद्धि हुँदा खुद नाफा बढ्न गएको हो । बैंकको खुद ब्याज आम्दानी २ अर्ब १५ करोड रुपैयाँबाट बढेर २ अर्ब ४५ करोड रुपैयाँ पुगेको छ भने सञ्चालन नाफा १ अर्ब ३३ करोड रुपैयाँबाट बढेर १ अर्ब ५० करोड रुपैयाँ पुगेको छ । अघिल्लो वर्षको तुलनामा झण्डै १७ करोड रुपैयाँ सञ्चालन नाफा बृद्धि गर्न बैंक सफल भएको छ ।
गत पुस मसान्तसम्ममा बैंकले निक्षेप संकलन बढाएर एक खर्ब १५ अर्ब ५० करोड रुपैयाँ पुराएको छ भने कर्जा प्रवाह ९४ अर्ब ७१ बकरोड रुपैयाँ गरेको छ । चुक्ता पुँजी १० अर्ब ३१ करोड रुपैयाँ रहेको बैंकको जगेडा कोषमा तीन अर्ब ८५ करोड रुपैयाँ संचित रहेको छ ।
त्यस्तै, बैंकको प्रतिशेयर आम्दानी नेटवर्थ १४७ रुपैयाँ ६१ पैसा र मूल्य आम्दानी अनुपात १० दशमलव ८० गुणा रहेको छ ।
