काठमाडौं । सिन्धु विकास बैंकको १० औं बार्षिक साधारणसभा गत शुक्रबार सम्पन्न भएको छ । साधारणसभाले साढे ११ प्रतिशत बोनश तथा शून्य दशमलव ५७ प्रतिशत नगद लाभांश पारित गरेको छ ।
शेयरधनीले साढे ११ प्रतिशत बोनस शेयर प्राप्त गर्नेछन् । शुक्रबार सम्पन्न १० औं बार्षिक साधारणसभाले खुद मुनाफाबाट ११.५१३९ प्रतिशत बोनस शेयर तथा ०.५७५६ प्रतिशत नगद लाभांस बितरण गर्ने प्रस्ताव पारित गरेको हो । पारित भएको ०.५७५ प्रतिशत लाभांश भने बोनस शेयरका लागि कर प्रयोजनको लागि हो ।
सर्वसाधारणसभाले सर्वसाधारण समुहको तर्फबाट रिक्त रहेको २ जना सञ्चालकहरु संजिव प्रधान र हिरा के.सीलाई सर्वसम्मत रुपमा चयन गरेको छ ।
बैंकका अध्यक्ष राजेन्द्र कुमार श्रेष्ठले आगामी दिनमा प्रदेश नं. ३ को अग्रणी विकास बैंकको रुपमा सिन्धु विकास बैंक समृद्धिमा दृढ रहेको बताएका थिए ।
सिन्धुपाल्चोक, काभ्रे, दोलखा, चितवन र मकवानपुर जिल्ला कार्यक्षेत्र भएको बैंकले कुल २२ शाखा र दुई वटा एक्सटेन्सन काउन्टरमार्फत वित्तिय सेवा प्रदान गरिरहेको छ ।
