काठमाडौं । महुली र नवकिरण लघुवित्त वित्तीय संस्था एक आपसमा गाभ्ने सम्झौता भएको छ । सम्झौतापत्रमा महुली लघुवित्तका अध्यक्ष प्रभुनारायण चौधरी र नवकिरण लघुवित्तका अध्यक्ष मोहनहरि आचार्यले सयुक्त रुपमा हस्ताक्षर गरेका हुन् ।
१००ः९५ को स्वापमा यी दुई संस्था मर्ज हुन् लागेका हुन् । मर्जरपछि आगामी बैशाख महिनाभित्र एकिकृत कारोबार गर्ने लक्ष्य संस्थाले जनाएको छ । डिडिए रिपोर्टमा १० प्रतिशत भन्दा तल माथि भए स्वाप रेसियो परिमार्जन गर्न सकिने उल्लेख छ ।
गाभिएपछि बन्ने संस्थाको नाम, महुली लघुवित्त वित्तीय संस्था राखिने र केन्द्रीय कार्यालय हाल महुलीको केन्द्रीय कार्यालय रहेको सप्तरीको अग्निसाइर कृष्णसवरण गाउँपालिका ०६– महुली सप्तरीमै रहने जनाइएको छ ।
दुवै संस्थाबाट ४(४ गरी ८ सदस्यीय मर्जर कमिटि गठन भएको छ । मर्जर पश्चात बन्ने संस्थाको सीइओमा हालको महुली कै सीईओले निरन्तरता पाउने छन् ।
हाल नवकिरण लघुवित्तको केन्द्रीय कार्यालय रहेको काभ्रेको धुलिखेलस्थित कार्यालयलाई भने बागमती प्रदेश कार्यालय बनाइने सहमति भएको छ ।
