काठमाडौं । कालिका लघुवित्त वित्तीय संस्था लिमिटेडले मृतकको परिवारलाई बीमा वापतको रकम हस्तान्तरण गरेको छ । संस्थाको पामे शाखाले आफ्ना खातावाला ग्राहक पुर्णकली अधिकारीको श्रीमान बिनोद अधिकारीको देहावसान पछि निज सदस्यलाई ५० हजार रुपैयाँ बीमा वापतको रकम हस्तान्तरण गरेको हो ।
संस्थाका शाखा प्रबन्धक ममता डुम्रेले उक्त बीमा वापतको रकम शाखा कार्यालयको हातामा शाखाका अन्य पदाधिकारीहरु तथा अन्य सदस्यको उपस्थितीमा मृतककी श्रीमती पुर्णकली अधिकारीलाई हस्तान्तरण गरेको जनाएको छ ।
मृतकको श्रीमती पुर्णकली अधिकारीले पतिको असामयिक निधनले परिवारमा ठूलो क्षति र पीडा पु-याएको बखत बैंकको यस सहयोगले केही मात्रामा भए पनि आर्थिक राहत दिएको बताइन् ।
