काठमाडौं । पोखरा फाइनान्सले पुस १८ गते साधारण सभा बस्ने भएको छ । सभा दरबारथोक बैंक्वेट, बाँस्तोलाथर, पोखरा कास्कीमा बिहान ९ बजेबाट सुरु हुने जनाएको छ ।
सभा प्रयोजनको लागि पोखराले पुस ४ गतेदेखि १८ गतेसम्म बुक क्लोज गर्दैछ । पुस ३ गतेसम्म मात्र कायम सेयरधनीले कम्पनीले वितरण गर्ने लाभांश सुरक्षित गर्न सक्नेछन् ।
कम्पनीले सभामा १४.२० प्रतिशत लाभांश वितरण गर्ने प्रस्ताव पेश गर्दैछ । कम्पनीले गत वर्षको नाफाबाट ७ प्रतिशत बोनस सेयर र कर प्रयोजन सहित ७.२० प्रतिशत नगद लाभांश वितरण गर्न लागेको हो ।
आर्थिक वर्ष २०७५/७६ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा छ ।
त्यस्तै, कम्पनीको प्रबन्धपत्र र नियमावलीमा संशोधन गर्ने र अन्य कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव समेत रहेको छ ।
