काठमाडौं । मुक्तिनाथ विकास बैंकको १८ दशमलव ५३ प्रतिशत लाभांश सुरक्षित गर्ने आज अन्तिम दिन रहेको छ । बैंकले भोली मंसिर २३ गतेदेखि ३० गतेसम्म बुक क्लोज गर्दैछ । त्यसकारण आजसम्म कायम शेयरधनीले मात्र लाभांश पाउनेछन् ।
बैंकले मंसिर ३० गते साधारण सभा गर्ने भएको छ । सभा होटल पोखरा ग्रान्ड, पार्दी बिरौटामा बिहान ११ बजेबाट सुरु हुनेछ ।
बैंकले गत आर्थिक वर्षको नाफाबाट १७.६० प्रतिशत बोनस सेयर र बोनसमा लाग्ने कर प्रयोजनका लागि ०.९३ प्रतिशत नगद लाभांश वितरणको प्रस्ताव गर्नेछ ।
त्यस्तै, लक्ष्मी बैंकको १५ प्रतिशत लाभांश सुरक्षित गर्ने पनि आज अन्तिम दिन रहेको छ । पुस ६ गते साधारण सभा बोलाएको बैंकले सोमबार (मंसिर २३ गते) बुक क्लोज गर्दैछ । यसर्थ, आइतबारसम्म मात्र कायम सेयरधनीले लाभांश पाउनेछन् ।
लक्ष्मीले गत वर्षको नाफाबाट १० प्रतिशत बोनस सेयर र ५ प्रतिशत नगद लाभांश वितरण गर्न लागेको हो ।
