काठमाडौं । गणपति माइक्रोफाइनान्स वित्तीय सस्ंथाको लाभांश सुरक्षित गर्ने आज अन्तिम दिन रहेको छ । कम्पनीले बुधबार (मंसिर १८ गते) बाट सभा हुने दिनसम्म बुक क्लोज गर्दैछ । कम्पनीले गत वर्षको नाफाबाट ७ प्रतिशत बोनस र कर प्रयोजनार्थ ०.३६ प्रतिशत नगद लाभांश वितरण गर्न लागेको हो ।
कम्पनीको साधारण सभा पुस ४ गते हुनजे भएको छ । सभा जंगल पार्क रिर्सोट, शुक्ला गण्डकी न.पा., ३ तनहुँमा दिउसो ३ बजेबाट सुरु हुने संस्थाले जनाएको छ ।
सभामा अन्य कुनै वित्तीय संस्थाहरु गाभ्न र गाभिन परेमा त्यसको सम्पुर्ण अख्तियारी सञ्चालक समितिलाई दिने प्रस्ताव पनि पेश हुनेछ । आर्थिक वर्ष २०७५–७६ को वासलात, नाफा–नोक्सान र नगद प्रवाहमाथि छलफल हुनेछ ।
त्यस्तै, आर्थिक वर्ष २०७६–७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा रहेको छ ।
सभामा बोनसपछि कायम हुने पुँजीबाट फेरि ५० प्रतिशत हकप्रद ल्याउने विशेष प्रस्ताव पनि पेश गर्दैछ । बोनस र हकप्रदपछि यसको चुक्ता पुँजी १६ करोड ६१ लाख १७ हजार रुपैयाँ पुग्ने जनाइएको छ ।
