काठमाडौं । नेप्सेमा सूचिकृत २७ वाणिज्य बैंकहरुमध्ये ११ वाणिज्य बैंकले लाभांश प्रस्ताव गरे पनि बुक क्लोज मिति आँउन बाँकी छ ।लाभांस प्रस्ताव गरेर बुक क्लोज गर्न बाँकी बैंकहरुमा एनएमबी बैंक, लक्ष्मी बैंक, एभरेष्ट बैंक, नेपाल बंगलादेश बैंक, हिमालयन बैंक, नेपाल इन्भेष्मेन्ट बैंक, नबिल बैंक, प्राईम कमर्सियल बैंक, नेपाल बैंक र नेपाल एसबिआई बैंक रहेका छन्।
११ वाणिज्य बैंकमध्ये नेपाल एसबिआई बैंक र लक्ष्मी बैंकले भने साधारण सभा र बुक क्लोजको मिति तय गरिसकेको छ ।नेपाल एसबिआई बैंकले यही मंसिर २९ गते वार्षिक साधारण सभा गर्दैछ । साधारण सभा प्रयोजनका लागि कम्पनीले मंसिर १३ गतेदेखि बुक क्लोज गर्दैछ । मंसिर १२ गते सम्म कायम शेयरधनीले कम्पनीले प्रस्ताव गरेको ६ प्रतिशत बोनस शेयर र १० दशमलव ८४ प्रतिशत नगद लाभांश प्राप्त गर्ने छन् ।
त्यस्तै लक्ष्मी बैंकले पुष ६ गते बार्षिक साधारणसभा गर्दैछ । सो साधारण सभा प्रयोजनका लागि कम्पनीले मंसिर २३ गतेदेखि बुक क्लोज गर्दैछ । मंसिर २२ गते सम्म कायम शेयरधनीले कम्पनीले प्रस्ताव गरेको १० प्रतिशत बोनस शेयर र ५ प्रतिशत नगद लाभांश प्राप्त गर्ने छन् ।
लाभांश प्रस्ताव गरेरे बुक क्लोज भइसकेका वाणिज्य बैंकहरु :
२७ वाणिज्य बैंकमध्ये १३ वाणिज्य बैंकले आर्थिक वर्ष ७५।७६ को साधारण सभा र लाभांश प्रयोजनाका लागि बुक क्लोज गरिसकेको अवस्था छ । यी बैंकहरुको शेयर किन्दा गत आवको मुनाफाबाट लाभांश लिन पाइने छैन । स्ट्याण्डर्ड चार्टर्ड बैंक, प्रभु बैंक, ग्लोबल आईएमई बैंक, मेगा बैंक, जनता बैंक, सनराईज बैंक, सिद्धार्थ बैंक, बैंक अफ काठमान्डौ, सानिमा बैंक, माछापुच्छ्रे बैंक, सिटिजन्स बैंक, कुमारी बैंक र एनआईसी एसियाले साधारण सभा र लाभांश प्रयोजनाका लागि बुक क्लोज गरिसकेको अवस्था छ । अब दोश्रो बजारमा यी कम्पनीको शेयर किन्नेले आर्थिक वर्ष ७५/७६ को लाभांश प्राप्त गर्ने छैनन् ।
तीन वाणिज्य बैंकको लाभाश प्रस्ताव गर्न बाँकी :
२७ वाणिज्य बैंकमध्ये ३ वाणिज्य बैंकले आर्थिक वर्ष ७५।७६ को लाभांश प्रास्ताव नै गरेको छैनन् । कृषि विकास बैंक, सेन्चुरी कमर्सियल बैंक, नेपाल क्रेडिट एण्ड कमर्स बैंकले अहिले सम्म पनि लाभांश प्रस्ताव गरेका छैनन् ।
