काठमाडौं । प्रुडेन्सियल इन्स्योरेन्सको ६० प्रतिशत हकप्रद सेयरलाई रेटिङ एजेन्सी इक्रा नेपालले ‘ग्रेड ४’ रेटिङ दिएको छ । कम्पनीलाई रेटिङ एजेन्सी इक्रा नेपालले यस हकप्रदलाई औसद भन्दा कम आधार जनाउने रेटिङ प्रदान गरेको हो ।
कम्पनीले १०ः६ अनुपातमा ३८ लाख ४९ हजार १२० कित्ता हकप्रद सेयर बिक्री गर्न धितोपत्र बोर्डसँग अनुमति माग गरेको छ । नेपाल धितोपत्र बोर्डले स्वीकृत प्रदान गरेपछि मात्रै हकप्रद शेयर बितरण प्रकिया अघि बढ्ने कम्पनीले जनाएको छ । यसमा बिक्री प्रबन्धकको काम एनएमबी क्यापिटलले गर्नेछ ।
हाल कम्पनीको चुक्ता पुँजी ६४ करोड १५ लाख २० हजार रुपैयाँ रहेको छ । हकप्रद निष्कासनपछि पुँजी १ अर्ब २ करोड ६४ लाख ३२ हजार रुपैयाँ पुग्नेछ ।
