नविल बैंकले ललितपुर महानगरपालिकाका स्थानिय बासिन्दाहरुको सुविधालाई मध्यनजर गर्दै महानगरपालिका परिसरमा एटिएम जडान गरी सेवा शुभारम्भ गरेको छ ।
बैंकका अध्यक्ष शम्भु प्रसाद पौड्याल तथा ललितपुर महानगरपालिकाका मेयर चिरिबाबु महर्जनले संयुक्त रुपमा उक्त एटिएमको उद्घाटन गरेका हुन् ।
भिषा कार्ड, माष्टर कार्ड, युनियन पे कार्ड र एससिटि (स्थानीय तथा अन्तराष्ट्रिय) कुनै पनि कार्ड बाहकहरूले उक्त एटिएमहरुबाट नगद झिक्ने तथा अन्य सुविधाहरु उपभोग गर्न सक्नेछ ।
बैंकको काठमाडौँ उपत्यका भित्र ७० वटा र उपत्यका बाहिर ६८ वटा गरी कुल संख्या १३८ पुगेको छ ।
