सबै बैंक तथा वित्तीय संस्थाहरुले चौथो त्रैमासको वित्तयि विवरण धमाधम प्रकाशन गर्न थालेका छन् । माछापुच्छ्रे बैंकले आर्थिक वर्ष २०७५।७६ को चौथो त्रैमासिक वित्तीय विवरण प्रकाशित गर्ने पहिलो वाणिज्य बैंक बनेको छ ।
बैंकले आर्थिक वर्ष २०७५।७६ को चौथो त्रैमासमा १ अर्ब ७० करोड ३५ लाख ७५ हजार रुपैयाँ खुद मुनाफा कमाएको छ । बैंकले अघिल्लो आर्थिक वर्षको सोही अवधिमा १ अर्ब २४ करोड ९६ लाख ८८ हजार रुपैयाँ खुद नाफा आर्जन गरेको थियो । अघिल्लो आर्थिक वर्षको सोही अवधिको तुलनामा बैंकको नाफा ३७ प्रतिशतले बढी हो ।
आर्थिक वर्ष २०७५।७६ को चौथो त्रैमासमा बैंकले ८५ अर्ब १९ करोड ८५ लाख २६ हजार रुपैयाँ निक्षेप संकलन गरी ७५ अर्ब २९ करोड ७२ लाख रुपैयाँ कर्जा लगानी गरेको छ । अघिल्लो आर्थिक वर्षमा ७१ अर्ब १४ करोड रुपैयाँ निक्षेप संकलन गरी ६२ अर्ब ४१ करोड रुपैयाँ कर्जा प्रवाह गरेको थियो ।
८ अर्ब ५ करोड चुक्ता पूँजी रहेको बैंकको जगेडा कोषमा १ अर्ब ४५ अर्ब रुपैयाँ रहेको छ । बैंकको प्रति सेयर नेआम्दानी २१ रुपैयाँ १५ रुपैयाँ रहेको छ । बैंकको निष्कृय कर्जा ० दशमलव ४४ बाट ० दशमलव ३७ प्रतिशतमा झरेको छ । प्रति शेयर नेटवर्थ १३९.५७ रहेको छ ।
