काठमाडौं । ग्लोबल आइएमई बैंक लिमिटेडले संस्थापक शेयर सर्वसाधारणका लागि बिक्री खुला गरेको छ । बैंकका केही सस्थापक शेयरधनीहरुले आफ्नो नाममा रहेको केही शेयर बिक्रीका लागि निवेदन पेश गरेअनुसार यसअघि विद्यमान संस्थापक शेयरधनीहरूले मात्र खरिद गर्न पाउने गरी शेयर बिक्री ल्याएको थियो । बैंकले तोकेको अवधिभित्र उक्त शेयर बिक्री हुन नसकेपछि सो शेयर अन्य व्यक्ति वा संस्थाका लागि खुला गरेको हो ।
शेयर संख्या र सोको मूल्यबारे जानकारी खुलाएको छैन। शेयर खरिद गर्न इच्छुकले आगामी ३५ दिन भित्र काठमाडौंको कमलादीस्थित बैंकको रजिष्टर्ड कार्यालयमा सम्पर्क गरी निवेदन दिन सक्नेछन्।
