काठमाडौं । स्पेशल प्रि ओसन सेसनमा सूर्यकुण्ड हाइड्रो इलेक्ट्रिक र रिज लाइन इनर्जीको शेयर पहिलो कारोबार भएको छ। आज पहिलो दिन सूर्यकुण्डको शेयर प्रतिकित्ता २८४ रुपैयाँ ३० पैसामा र रिज लाइनको ३०० रुपैयाँमा कारोबार भएको हो।
गत चैत १२ गते स्पेशल प्रि ओपन सेसनमा प्राविधिक समस्याका कारण ३० रुपैयाँमा पहिलो कारोबार भएको रिज लाइनको शेयर आज ३०० रुपैयाँमा कारोबार भएको हो।
सूर्यकुण्डको शेयर गत चैत १२ गते नेप्सेमा सूचीकृत भएको थियो। कम्पनीको कुल कित्ता शेयरमध्ये सर्वसाधारण तर्फ १३ लाख ७९ हजार ३५० कित्ता र संस्थापक तर्फ ५५ लाख १७ हजार ३९४ कित्ता शेयर नेप्सेमा सूचीकृत भएको थियो । नेप्सेले कम्पनीको पहिलो शेयर कारोबारका लागि प्रतिकित्ता न्यूनतम ९४ रुपैयाँ ७७ पैसा रुपैयाँदेखि अधिकतम २८४ रुपैयाँ ३१ पैसासम्मको मूल्य रेञ्ज तोकेको थियो।
