काठमाडौं । नेपाल राष्ट्र बैंकले बैंक नोट छाप्न प्रिक्वालिफिकेसनअन्तर्गत ६ वटा विदेशी कम्पनीलाई छनौट गरेको छ।
राष्ट्र बैंकले छनौटमा परेका विदेशी कम्पनीहरुको सूची आज सार्वजनिक गरेको छ। प्रिक्वालिफाइड कम्पनीहरुमा चीनको चाइना बैंकनोट प्रिन्टिङ एन्ड मिन्टिङ कर्पोरेसन, यूकेको डे ला रुई इन्टरनेसनल, जर्मनीको गाइसिकी डेभिरेन्ट करेन्सी टेक्नोलोजी, रसियाको ज्वाइन्ट स्टक कम्पनी ‘गोज्नाक’, फ्रान्सको ओबेरथुर फिडुसिआयर एसएएस र पोल्यान्डको पोलिसी सेक्युरिटी प्रिन्टिङ वर्कस रहेका छन्।
राष्ट्र बैंकले गत जनवरी १० मा नेपाली बैंक नोट डिजाइन, प्रिन्टिङ, सप्लाई र डेलेभर गर्न अन्तर्राष्ट्रिय बोलपत्र आह्वान गरेको थियो। बोलपत्र पेस गर्नेमध्ये ६ वटा विदेशी कम्पनीलाई राष्ट्र बैंकले प्रिक्वालिफाइड गरेको हो।
अब राष्ट्र बैंकले आउँदा दिनमा बैंक नोट छाप्नका लागि तिनैमध्ये एक विदेशी कम्पनीलाई ठेक्का दिनेछ।
