काठमाडौँ । सिद्धार्थ म्युुचुअल फन्डअन्तर्गत सञ्चालित सिद्धार्थ व्यवस्थित लगानी योजनाको आकार वृद्धि गरिएको छ।
योजना व्यवस्थापक सिद्धार्थ क्यापिटलले नेपाल धितोपत्र बोर्डको स्वीकृतिमा उक्त योजनाको आकार १ अर्ब रुपैयाँबाट वृद्धि गरेर १ अर्ब ५० करोड रुपैयाँको पुर्याएको हो।
यसका साथै इकाइधनीहरुको हितलाई ध्यानमा राखेर योजना व्यवस्थापकले इकाइ बिक्री गर्दा खुद सम्पत्ति मूल्यमा कट्टा गरिने १.५ प्रतिशत बहिर्गमन शुल्क इकाइ खरिद गरेको ३ वर्षपश्चात मात्र छुट हुने व्यवस्थालाई संशोधन गरी १ वर्ष कायम गरेको छ।
यस योजनाको थप जानकारी सिद्धार्थ क्यापिटलको वेबसाइटमा गएर हेर्न सकिनेछ। यस योजनाको कोष प्रवर्द्धकमा सिद्धार्थ बैंक रहेको छ।
