काठमाडौं । इजरायल र इरानबीच जारी तनावका बीच कच्चा तेलको मूल्य ५ प्रतिशतले बढेको छ । यो वृद्धि अमेरिकी राष्ट्रपति जो बाइडेनको बयानपछि भएको हो। उनले इजरायलले इरानको तेल अड्डामा आक्रमण गर्ने सम्भावनाका बारेमा छलफल गरिरहेको बताएका थिए।
कच्चा तेलको मूल्य बढेको विषयमा पत्रकारले अमेरिकी राष्ट्रपति बाइडेनसँग ‘इजरायललाई इरानको तेल प्रशोधन केन्द्रमा आक्रमण नगर्न आग्रह गरिएको हो’ भनेर जिज्ञासा राखेका थिए। जबाफामा बाइडेनले भनेका थिए, ‘मलाई थाहा छ यो सार्वजनिक रुपमा छलफल गर्नु हुँदैन।’
यस्तो हमलाले तेलको मूल्य बढाउन सक्छ कि भनेर सोध्दा अमेरिकी राष्ट्रपति बाइडेनले भने, ‘समुद्री आँधीनका कारण पनि मूल्य बढ्छ।’
अमेरिकी राष्ट्रपतिको यो भनाइ यस्तो बेला आएको हो जब उनी दक्षिण–पश्चिम अमेरिकाको भ्रमणमा थिए। जहाँ हेलेन आँधीले ठूलो क्षति पुर्याएको छ। कम्तीमा २०० जनाको मृत्यु भएको छ। –एजेन्सी
