काठमाडौं । इरानले मंगलबार राति इजरायलमा मिसाइल हमला गरेपछि तेलको मूल्य बढेको छ । यो हमलापछि मध्यपूर्वमा थप द्वन्द्वको डर बढेको छ । यदि यस्तो भयो भने तेल आपूर्ति पनि प्रभावित हुन सक्छ।
ब्रेन्ट कच्चा तेलको मूल्यका लागि अन्तर्राष्ट्रिय बेन्चमार्क हो। यो १ प्रतिशतभन्दा बढीले बढेर प्रतिब्यारेल ७४.४० डलर पुगेको छ । मंगलबारको कारोबारमा ५ प्रतिशतभन्दा बढीले बढेको छ ।
अमेरिकी ऊर्जा सूचना प्रशासनका अनुसार इरान विश्वको सातौँ ठूलो तेल उत्पादक देश हो। इरान तेल उत्पादक देशहरुको समूह ओपेक (तेल निर्यात गर्ने देशहरुको संगठन) को तेस्रो ठूलो सदस्य पनि हो।
यस क्षेत्रमा कुनै पनि प्रकारको सैन्य द्वन्द्वले स्ट्रेट अफ हर्मुज हुँदै व्यापारलाई असर गर्न सक्ने व्यापारीहरुबीच चिन्ता बढेको छ। स्ट्रेट अफ हर्मुज ओमान र इरानको बीचमा अवस्थित छ। यो अन्तर्राष्ट्रिय तेल व्यापारका लागि महत्वपूर्ण छ र विश्वको तेल व्यापारको २० प्रतिशत यहाँबाट हुन्छ।
ओपेकका अन्य सदस्य राष्ट्र साउदी अरेबिया, यूएई, कुवेत र इराकले पनि तेल निर्यातका लागि यही मार्ग प्रयोग गर्छन्।
