काठमाडौं । कार किन्ने योजनामा रहेकाहरुका लागि खुसीको खबर आएको छ। भारतको सबैभन्दा ठूलो अटो कम्पनी मारुती सुजुकी इन्डियाले अल्टो के१० र एस–प्रेसोका केही मोडलको मूल्य तत्काल लागू हुने गरी घटाएको हो।
कम्पनीले एस–प्रेसो एलएक्सआई पेट्रोलको मूल्य भारु २ हजार र अल्टो के१० भीएक्सआई पेट्रोलको मूल्य भारु ६ हजार ५०० ले घटेको छ। अल्टो के१० को मूल्य भारु ३ लाख ९९ हजारदेखि भारु ५ लाख ९६ हजारबीच रहेको छ। जब कि एस–प्रेसोको मूल्य भारु ४ लाख २६ हजारदेखि भारु ६ लाख ११ हजार (एक्स–शोरुम दिल्ली) बीच छ। कम्पनीका साना कार (जसमा अल्टो र एस–प्रेसो समावेश छन्) को अगस्टमा बिक्री घटेको थियो।
कार बिक्री घटेपछि मारुती सुजुकीले आफ्ना गाडीको मूल्य घटाउन सक्ने अनुमान गरिएको थियो।
वर्ष २०२४–२५ को पहिलो त्रैमासमा कम्पनीको उत्पादन गत वर्षको तुलनामा ७.४ प्रतिशतले बढेको छ। कम्पनीले ४ लाख ९६ हजार गाडी उत्पादन गरेको छ। तर, यस अवधिमा कम्पनीको बिक्री मात्र १.२ प्रतिशतले बढेको छ। कम्पनीले अप्रिल–जुन त्रैमासिकमा ४ लाख २७ हजार सवारीसाधन बिक्री गरेको छ। यसको मतलब डिलरसँग अझै पनि थुप्रै गाडी बाँकी रहेको छ। –एजेन्सी
