काठमाडौं । भारतीय शेयर बजार बिहीबार फेरि नयाँ कीर्तिमान उचाइमा पुगेको छ।
भारतीय शेयर बजार सूचक सेन्सेक्स ६.२६ अंकले बढेर ८१ हजार ३४३ मा बन्द भएको छ। निफ्टी पनि १८७ अंकले बढेर २४ हजार ८०० मा पुगेको छ। कारोबारका क्रममा सेन्सेक्सले ८१ हजार ५२२ को विन्दुमा पुगेको थियो भने निफ्टी २४ हजार ८२९ को उचाइ चुमेको थियो।
यसअघि गत मंगलबार सेन्सेक्स ८० हजार ७१६ र निफ्टी २४ हजार ६१३ को उचाइमा पुगेको थियो। जुन हालसम्मकै उच्च हो।
आज अन्य एसियाली बजारको कारोबार ठीकठाक नै रहेको छ। जापानको निक्केई इन्डेक्स २.३६ प्रतिशतले घट्यो भने चीनको सांघाई कम्पोजिटमा ०.४८ प्रतिशत र हङकङको ह्याङसङमा ०.२२ प्रतिशतको तीव्रता देखिएको छ।
उता अमेरिकी बजार बुधबार उकालो लागेको छ। डाओ जोन्स ०.५९ प्रतिशतले बढेर ४१ हजार १९८ को विन्दुमा बन्द भउको छ। नास्डक पनि २.७७ प्रतिशतले बढेर १७ हजार ९९६ को विन्दुमा बन्द भएको छ।
