काठमाडौं । कार धेरै चोरी हुने शीर्ष १० देशको सूचीमा क्यानडा रहेको छ। क्यानडामा कार चोरीको घटना व्यापक परेको छ।
कार चोरी बिगबिगीले क्यानाडाको बीमा ब्युरोले यसलाई ‘राष्ट्रिय संकट’ घोषणा गरेको छ।संस्थाका अनुसार गत वर्ष बीमा कम्पनीहरुले सवारीसाधन चोरीको दाबीबापत १ अर्ब अमेरिकी डलरभन्दा बढी तिर्नुपरेको थियो।
यो क्यानडामा यस्तो समस्या बनेको छ कि देशभरका पुलिस अधिकारीहरुले कसरी चोरीबाट सवारीसाधनलाई जोगाउने भनेर सार्वजनिक बुलेटिनहरु जारी गरेका छन्।
यसैबीच केही क्यानेडियनहरुले आफ्नै कार सुरक्षा उपाय लिइरहेका छन्। उनीहरुले आफ्नो कारमा ट्रयाकर जडानदेखि व्यक्तिगत सुरक्षाकर्मी भर्ना गर्ने सबै काम गरिरहेका छन्। कतिपय व्यक्तिले चोरलाई रोक्न ‘रिट्रयाक्टेबल बोलार्ड’ पनि प्रयोग गर्न थालेका छन्।
सन् २०२२ मा क्यानडामा १ लाख ५ हजार कार चोरी भएका थिए। यसको मतलब प्रत्येक ५ मिनेटमा एउटा कार चोरी भएको थियो। क्यानडाका संघीय न्यायमन्त्री आफैँ पनि पीडित भएका छन्। उनको सरकारी कार टोयोटा हाइल्यान्डर एक्सएलई चोरहरुले दुई पटक चोरी गरेका थिए।
इन्टरपोलले केही महिनाअघि सूची सार्वजनिक गरेको थियो। सूचीमा १३७ देश थिए, जसलाई कार चोरीको हिसाबले सबैभन्दा खराब मानिन्छ। क्यानडा यस सूचीमा शीर्ष १० देशमा परेको छ। –एजेन्सी
