काठमाडौं । चालु आर्थिक वर्षको जेठ महिना मात्रै जीवन बीमा कम्पनीहरुले ३ अर्ब ३३ करोड माथि प्रथम बीमा शुल्क संकलन गरेका छन् । कम्पनीहरुले ४ लाख ३० हजार वटा बीमा पोलिसी वक्री गरी ३ अर्ब ३३ करोड ३४ लाख रपैयाँ प्रथम बीमा शुल्क आर्जन गरेका हुन् ।
नेपाल बीमा प्राधिरकणको तथ्याङक अनुसार जेठ महिनासम्ममा भने कम्पनीहरुले १ करोड ४० लाख १२ हजार ३०२ वटा बीमा पोलिसी विक्री गरी कुल १ खर्ब ३३ अर्ब ६२ करोड ५८ लाख रुपैयाँ कुल बीमा शुलक संकलन गरेका हुन् ।
प्राधिरकणको तथ्याङक हेर्दा एक महिनामा जीवन बीमा कम्पनीहरुले गरेको प्रथम बीमाशुल्कको आधारमा आधा जसो व्यवसाय ३ वटा कम्पनले ओगटेको देखिन्छ । प्रथम बीमा शुल्कको २४ प्रतिशत हिस्सा नेपाल लाइफले ओगटेको छ । नेशनल लाइफले प्रथम बीमा शुल्कको १३ प्रतिशत र एलआइसी नेपालले प्रथम बीमाशुल्कको १० प्रतिशत हिस्सा ओगटेको देखिन्छ ।
यस अवधिमा सबैभन्दा धेरै नेपाल लाइफ इन्स्योरेन्स कम्पनीले प्रथम बीमा शुल्क संकलन गरेको छ । कम्पनीले यस अवधिमा ८३ करोड २५ लाख रुपैयाँ प्रथम बीमा शुल्क संकलन गरेको छ । दोस्रोमा नेशनल लाइफ रहेको छ । कम्पनीले यस अवधिमा ४४ करोड १ लाख रुपैयाँ प्रथम बीमा शुल्क संकलन गरेको छ । तेस्रोमा एलआइसी नेपाल रहेको छ । कम्पनीले ३५ करोड ७१ लाख रुपैयाँ प्रथम बीमा शुल्क संकलन गरेको छ ।
सूर्यज्योति लाइफले २३ करोड १९ लाख रुपैयाँ प्रथम बीमा शुल्क संकलन गरेको छ । हिमालयन लाइफले २३ करोड ५ लाख रुपैयाँ प्रथम बीमा शुल्क संकलन गरेको छ । सानिमा रिलायन्स लाइफले १८ करोड २९ लाख रुपैयाँ प्रथम बीमा शुल्क संकलन गरेको छ । एशियन लाइफले १८ करोड २६ लाख रुपैयाँ प्रथम बीमा शुल्क संकलन गरेको छ । सन नेपाल लाइफले १७ करोड ९१लाख रुपैयाँ प्रथम बीमा शुल्क संकलन गरेको छ ।
त्यस्तै, सिटिजन लाइफले १६ करोड ९५लाख रुपैयाँ प्रथम बीमा शुल्क संकलन गरेको छ । आइएमई लाइफले १४ करोड ७१ लाख रुपैयाँ प्रथम बीमा शुल्क संकलन गरेको छ । रिलायबल नेपाल लाइफले १३ करोड ९२ लाख रुपैयाँ प्रथम बीमा शुल्क संकलन गरेको छ । मेट लाइफले ११ करोड १६ लाख रुपैयाँ प्रथम बीमा शुल्क संकलन गरेको छ । प्रभु महालक्ष्मी लाइफले १० करोड रुपैयाँ प्रथम बीमा शुल्क आर्जन गरेको छ । राष्ट्रिय जीवन बीमा कम्पनीले २ करोड ९३लाख रुपैयाँ प्रथम बीमा शुल्क संकलन गरेको छ ।
