काठमाडौं । दक्षिण कोरियाली अटो निर्माता कम्पनी हुन्डाई मोटरले नयाँ इलेक्ट्रिक कारका केही तस्बिर सार्वजनिक गरेको छ। कम्पनीले छिट्टै अर्को नयाँ इलेक्ट्रिक माइक्रो कार लन्च गर्ने भएको हो।
कम्पनीले यो कारको नाम ‘इन्स्टर’ राखेको छ। यो महिनाको अन्त्यमा कोरियामा हुने बुसान इन्टरनेशनल मोटर शो २०२४ मा अन्तर्राष्ट्रिय रूपमा लन्च गरिनेछ। यो अटो शो जुन २७ बाट सुरु भई जुलाई ७ २०२४ सम्म चल्नेछ। यस शोमा हुन्डाईले आफ्नो नयाँ इलेक्ट्रिक कार प्रस्तुत गर्नेछ। कम्पनीले यो कारलाई ग्लोबल लेभलमा लन्च गर्ने विश्वास गरिएको छ।
कम्पनीले इन्टिमेट र इनोभेटिभ शब्दबाट कारको नाम राखेको हो। यो कार अवस्थित क्यास्पर प्लेटफर्ममा निर्माण गर्न सकिन्छ। हुन्डाई इन्स्टर कम्पनीले आफ्नो आईसीई समकक्ष (क्यास्पर) बाट गोल हेडलाइट जस्ता फिचर लिएको छ।
कम्पनीले सोसल मिडिया प्लेटफर्ममा केही तस्बिर शेअर गरेको छ। जसमा कारको बाहिरी भागका बारेमा जानकारी दिइएको छ। यद्यपि यो कार कहिले लन्च हुने भन्ने बारेमा भने कुनै खास जानकारी दिइएको छैन। कम्पनीले अगाडि राउन्ड हेडलाइट उपलब्ध गराएको छ र पिक्सेल स्टाइल ७ एलिमेन्ट एलईडी टर्न इन्डिकेटर पनि उपलब्ध गराएको छ।
यो कारले एकपटक चार्जमा ३५५ किलोमिटरको रेन्ज दिने कम्पनीले दाबी गरेको छ। यद्यपि यो कारको अधिकतम दायरा हो। यो कार धेरै सेफ्टी फिचरसहित बजारमा आउने कम्पनीले जनाएको छ।
यतिमात्र होइन कारमा नयाँ प्रविधिले सुसज्जित फिचर उपलब्ध गराइनेछ। यद्यपि कम्पनीले यस कारमा उपलब्ध ब्याट्री र मोटरको स्पेसिफिकेसनबारे कुनै जानकारी दिएको छैन। –एजेन्सी
