काठमाडौं । चालु आर्थिक वर्षको फागुन महिनामा मात्रै जीवन बीमा कम्पनीहरुले कुल साढे २ अर्ब रुपैयाँ माथि प्रथम बीमाशुल्क संकलन गरेका छन् । नेपाल बीमा प्राधिरणले प्रकाशन गरेको वित्तीय विवरणअनुसार सञ्चालनमा रहेका १४ वटा जीवन बीमा कम्पनीले ४ लाख १५ हजार ६७६ वटा बीमा पोलिसी बिक्री गरी २ अर्ब ५५ करोड ४७ लाख रुपैयाँ प्रथम बीमाशुल्क आर्जन गरेका हुन्।
प्रथम बीमाशुल्कका आधारमा फागुनमा नेशनल लाइफ इन्स्योरेन्सले नेपाल लाइफ इन्स्योरेन्स कम्पनीलाई टक्कर दिएको देखिन्छ । यसअधि अरु कम्पनी र नेपाल लाइफको बीमाशुल्कमा धेरै अंकले फरक हुँदै आएकोमा फागुन महिनामा भने नेशनल लाइफले राम्रो व्यापर गरी नेपाल लाइफकै दाँजोमा पुग्न थालेको हो । फागुन महिनामा नेपाल लाइफले ५६ करोड ५३ लाख रुपैयाँ नयाँ व्यापार गरेको छ भने नेशनल लाइफले ५० करोड २२ लाख रुपैयाँ नयाँ व्यापार गरेको छ।
तेस्रोमा हिमालयन लाइफ रहेको छ । यो एक महिनामा यस कम्पनीले १९ करोड १४ लाख रुपैयाँ प्रथम बीमाशुल्क आर्जन गरेको छ। सूर्यज्योति लाइफले १८ करोड ७६ लाख रुपैयाँ प्रथम बीमाशुल्क आर्जन गरेको छ । एलआइसी नेपालले १५ करोड ४५ लाख रुपैयाँ प्रथम बीमाशुल्क आर्जन गरेको छ । एशियन लाइफले १५ करोड ३२ लाख रुपैयाँ प्रथम बीमाशुल्क आर्जन गरेको छ।
त्यस्तै, सिटिजन लाइफले १३ करोड ५६ लाख रुपैयाँ प्रथम बीम शुल्क आर्जन गरेको छ । सानिमा रिलायन्स लाइफले १२ करोड ९६लाख रुपैयाँ प्रथम बीम शुल्क आर्जन गरेको छ । आइएमई लाइफले १० करोड ८३ लाख रुपैयाँ प्रथम बीम शुल्क आर्जन गरेको छ । रिलायबल नेपाल लाइफले १० करोड ७९ लाख रुपैयाँ प्रथम बीम शुल्क आर्जन गरेको छ । सन नेपाल लाइफले १० करोड ५० लाख रुपैयाँ प्रथम बीम शुल्क आर्जन गरेको छ ।
मेट लाइफले १० करोड १३ लाख रुपैयाँ प्रथम बीम शुल्क आर्जन गरेको छ । प्रभु महालक्ष्मी लाइफले ७ करोड ४१ लाख रुपैयाँ प्रथम बीम शुल्क आर्जन गरेको छ । राष्ट्रिय जीवन बीमा कम्पनीले ३ करोड ८७ लाख रुपैयाँ प्रथम बीम शुल्क आर्जन गरेको छ ।
