काठमाडौं, वैशाख १६ । गुराँस लाइफ इन्स्योरेन्स कम्पनीले नयाँ योजनाको जानकारी गराउन पुनर्ताजगी कार्यक्रम सम्पन्न गरेको छ ।
गोदावरी नगरपालिका–२ मा कम्पनीको शाखा कार्यालय अत्तरियाले अभिकर्ताहरुलाई नयाँ योजनाको जानकारी गराउन शनिवार पुनर्ताजगी कार्यक्रमको आयोजना गरेको थियो ।
५० जना अभिकर्तासहितको सहभागिता रहेको कार्यक्रममा गुराँस लाइफ इन्स्योरेन्स कम्पनी लिमिटेड क्षेत्रीय कार्यालय धनगढीका क्षेत्रीय प्रशिक्षक तारासिंह बम तथा अधिकृत राजेश जोशीले प्रशिक्षण दिनुभएको थियो ।
सोही अवसरमा उत्कृष्ट तीन अभिकर्ता तुलसी कडायत, जयबहादुर कुवँर तथा कोपिला चौधरीलाई नगद पुरस्कारसहित सम्मान गरिएको कम्पनीले जनाएको छ ।
