काठमाडौं । रुसी हीरामा प्रतिबन्ध लगाउने तयारी भइरहेको छ।
युरोपेली संघ (ईयू) र जी–७ राष्ट्रहरुले रुसी हीरामा प्रतिबन्ध लगाउने योजना बनाइरहेका हुन्। रुस विश्वमा रफ डायमन्डको सबैभन्दा ठूलो उत्पादक हो।
गत वर्षदेखि रुस र युक्रेनबीच युद्ध चलिरहेको छ। युक्रेनमाथि आक्रमण गरेकै कारण रुसमाथि थुप्रै प्रतिबन्ध लगाइएको छ।
विभिन्न किसिमका प्रतिबन्धबीच रुसले हीरा निर्यात भने जारी राखेको हो। हीराको व्यापारबाट हुने आम्दानी रुसले युद्धमा लगाउन सक्ने विभिन्न राष्ट्रहरुले आरोप लगाइरहेका छन्। यसबीच इयू र जी–७ राष्ट्रले रुसी हीरामाथि प्रतिबन्ध लगाउने योजना बनाइरहेको अन्तर्राष्ट्रिय सञ्चार माध्यमहरुले जनाएका छन्। –एजेन्सीको सहयोगमा
