काठमाडौं । तारागाउँ रिजेन्सी होटल्सले आर्थिक वर्ष २०७९/८० का लागि लाभांश घोषणा गरेको छ।
कम्पनी सञ्चालक समितिको बैठकले उक्त आर्थिक वर्षको नाफाबाट हाल कायम चुक्तापुँजी १ अर्ब ८८ करोड ६६ लाख ५४ हजार रुपैयाँको कुल १५ प्रतिशत लाभांश वितरण गर्ने निर्णय गरेको छ। जसमा ४ प्रतिशत बोनस शेयर र ११ प्रतिशत नगद लाभांश (करसहित) छन्।
प्रस्तावित लाभांश आगामी २७ औँ वार्षिक साधारणसभाबाट अनुमोदन गरी शेयरधनीहरुलाई वितरण गरिने कम्पनीले जनाएको छ। वार्षिक साधारणसभा र बुक क्लोजको मिति पछि प्रकाशित गरिने कम्पनी सचिव विक्रम थापाले जानकारी दिए।
