काठमाडौं । नेपाल पुस्तक तथा स्टेसनरी व्यवसायी महासंघ र करेन्ट मिडिया एन्ड रिसर्च सेन्टर प्रा.लिको संयुक्त आयोजनामा ‘दक्षिण एशिया अन्तर्राष्ट्रिय पुस्तक प्रदर्शनी–२०२३’ कार्यक्रम हुने भएको छ ।
उक्त पुस्तक प्रदर्शनीमा दक्षिण एसिया क्षेत्रका नेपाल, भारत, बंगलादेशलगायत विभिन्न देश र चीन, अमेरिका, इजिप्टसहित १५ भन्दा बढी देशका प्रकाशक, उत्पादक तथा वितरकहरूको सहभागिता रहने बताइएको छ ।
उक्त कार्यक्रमको उद्घाटन प्रधानमन्त्री पुष्पकमल दाहाल ‘प्रचण्ड’ ले भोलि मंसिर ५ गते दिनको १ बजे गर्ने छन् । पुस्तक प्रर्दशनीमा एक सय ८० भन्दा बढी स्टलहरूमा देश तथा विदेशका विभिन्न उत्पादनहरू प्रदर्शनमा रहने बताईएको छ ।
उक्त वृहत् पुस्तक तथा शैक्षिक सामग्री प्रदर्शनी कार्यक्रममा विशेष अतिथिको रूपमा चाइना इन्टरनेसनल बुक ट्रेडिङ कर्पोरेशनलाई आमन्त्रण गरिएको छ । साथै, चीन र भारतका राजदूतलाई समेत निमन्त्रणा गरिएको छ ।
