काठमाडौं । एलए एजुकेसन ग्रुपले जाजरकोट रुकुम पश्चिममा गएको भुकम्पले अभिभावक गुमाएका बालबालिकाको शिक्षाको लागि २ करोड छात्रवृत्तिको घोषणा गरेको छ । एलए एजुकेसन ग्रुप अन्तर्गत लिटल एन्जल्स स्कुल, लिटिल एन्जल्स कलेज सञ्चालित छन् ।
ग्रुपका सस्थापक मध्येका एक उमेश श्रेष्ठले सामाजिक सञ्जालमार्फत जाजरकोट र रुकुम पश्चिममा गएको विनाशकारी भुकम्पले आमा बाबु दुवै जना गुमाएका ५ जना छात्र र ५ जना छात्रा गरी १० जना बालबालिकाहरुलाई उच्च माध्यमकि तहसम्म एलए ग्रुप अन्तर्गतका शिक्षण संस्थाहरुहरुमा निःशुल्क शिक्षा प्रदान गर्ने घोषणा गरेको हो ।
संस्थापक श्रेष्ठले आवासीय सुविधासहितको निःशुल्क शिक्षा प्रदान गर्नको लागि २ करोड रुपैयाँको छात्रवृत्ति उपलब्ध गराउने निर्णय गरेको जनाएको हो ।
