काठमाडौं । सोनापुर मिनरल्स एण्ड आयल लिमिटेडको शेयरमूल्य आइपीओको मूल्य भन्दा तल झरेको छ। कारोबारमा आएदेखि दैनिक नकारात्मक सर्किट लेभलमा कारोबार भएको यस कम्पनीको शेयर मुल्य आ आइपीओको मूल्यभन्दा तल झरेको हो।
सोनापुर मिनरल्सले प्रतिकित्ता १०० रुपैयाँ अंकित मूल्यमा १३७ रुपैयाँ ५८ पैसा प्रिमियम थप गर प्रतिकित्ता २३७ रुपैयाँ ५८ पैसामा आइपीओ निष्काशन गरेको थियो। तर, आज बजार खुलेलगत्तै कम्पनीको शेयरमूल्य घटेर २३० रुपैयाँसम्म झरेको हो। यो समाचार तयार पार्दासम्ममा कम्पनीको शेयर प्रतिकित्ता २३५ रुपैयाँमा कारोबार भइरहेको छ।
