काठमाडौं । नेपाली बैंकिङ्ग प्रणालीमा असोज ३० गते कर्जा प्रवाह ५० खर्ब पुगेको छ । अघिल्लो दिन असोज २९ गते ४९ खर्ब ७० अर्ब रहेको कर्जा प्रवाह एकै दिन ३० अर्बले वृद्धि भएसंगै ५० खर्ब पुगेको हो । एकै दिन वाणिज्य बैंकमा २६ अर्बले कर्जा प्रवाह वृद्धि भएको हो भने विकास बैंक र फाइनान्स कम्पनीहरुमा ४ अर्बले कर्जा प्रवाहमा वृद्धि भएको हो ।
कर्जासँगै निक्षेप पनि वृद्धि भएको छ । असोज २९ गते ५८ खर्ब ७७ अर्ब रहेको निक्षेप असोज ३० गते ५९ खर्ब १५ अर्ब पुगेको छ ।
असोज मसान्तमा बैंकहरुको सिडी रेसियो ८१ दशमलव ७४ प्रतिशत रहेको छ ।
