काठमाडौं । नेपाल राष्ट्र बैंकले पूर्वाधार विकास बैंक( निफ्रा) नेपाल इन्फ्रास्ट्रकचर बैंकको लागि ८ बुँदे निर्देशन जारी गरेको छ। अब निफ्राले पनि आर्थिक वर्ष २०८०र८१ को अन्त्यसम्म ० दशलमव ५ प्रतिशतको काउन्टर साइक्लिकल बफर कायम गर्नु पर्नेछ । बैंकले होटल तथा रेष्टुरेन्ट, निर्माण (सिमेन्ट, डण्डी, इट्टा/ब्लक, पाईप्स् एण्ड फिटिङ्गस् लगायतका उद्योगमा प्रवाहित कर्जा समेत), शिक्षा, स्वास्थ्य क्षेत्रसँग सम्बन्धित कर्जा तथा बाढी, पहिरो, भूकम्प जस्ता प्राकृतिक/दैवी प्रकोपबाट प्रभावित भएका परियोजनामा लगानीमा रहेको कर्जालाई ऋणीको अनुरोधमा उद्योग/व्यवसायको नगद प्रवाह तथा आम्दानीे विश्लेषण गरी आवश्यकता र औचित्यको आधारमा बुझाउनुपर्ने ब्याजको कम्तिमा १० प्रतिशत रकम असुल उपर गरी कर्जाको पुनरतालिकीकरण तथा पुनरसंरचना गर्न सक्ने छ।
बैंकले कर्मचारीको छनौट, सरुवा, बढुवा तथा पदस्थापन गर्दा तालिम लगायत सर्टिफिकेशन कोर्स लिएको भए त्यस्तो विशेष योग्यतालाई समेत आधारको रुपमा लिनु पर्ने लगायतका ८ बुँदे निर्देशन जारी गरेको छ ।
