काठमाडौं । सिद्धार्थ क्यापिटलले आर्थिक वर्ष ७९/८० को मुनाफाबाट हाल कायम चुक्ता पुँजीको २५ प्रतिशतले हुन आउने ५ करोड रुपैयाँ बराबरको नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्नका लागि क्यापिटलले असोज २५ गते साधारणसभा आह्वान गरेको छ ।
क्यापिटलको भदौ २८ गते बसेको संचालक समितिको बैठले यस्तो निर्णय गरेको हो । उक्त सभा साझको ४ बजे सिद्धार्थ क्यापिटलको कार्यालयमा आयोजना हुने नाएको छ ।
साधारण सभामा वार्षिक प्रतिवेदन पारित गर्ने, लेखापरिक्षकको प्रतिवेदन सहित अन्य वित्तीय प्रतिवेदन पारित गर्ने, आर्थिक वर्ष ८०/८१ को लागि लेखापरीक्षक नियुक्त गर्ने, नीजको पारीश्रमिक निर्धारण गर्ने लगायतका प्रस्ताव पारित गर्ने जनाएको छ ।
साथै, सभाले संस्थागत सामाजिक उत्तरदायित्व अन्तर्गत खर्च गरिएको रकम पारित गर्ने लगायतका प्रस्ताव पारित गर्ने जनाएको छ ।
