काठमाडाैं । नेपाल आयल निगमले फेरी पेट्राेलियम इन्धनकाे मूल्य वृद्धि गरेकाे छ। निगमले बिहीबार सार्वजनिक सूचना प्रकाशन गर्दै पेट्राेलकाे प्रतिलिटर मूल्य रु. १७८ बाट रू. १८२ पुर्याई दिएकाे छ।
यसैगरी डिजल र मट्टीतेलकाे भाउ प्रतिलिटर रु १६७ बाट ३ रुपैयाँ थपेर रु १७० कायम गरेकाे छ। नयाँ मूल्य शुक्रबार बिहान १ बजेदेखि अर्थात् बिहीबार मध्यरातपछि लागू हुनेछ। यसैगरी खाना पकाउने ग्याँसकाे भाउ पनि ह्वात्तै बढेकाे छ। प्रति सिलिण्डर रु १ हजार ६६० रहेकाेमा बढाएर रु १ हजार ८९५ कायम गरिएकाे छ।
निगमले भारतबाट मूल्य वृद्धि भएर आएकाेले स्वचालित मूल्य प्रणाली अन्तर्गत इन्धनकाे भाउ बढाउनु परेकाे जिकीर गरेकाे छ।
