काठमाडौं । आज साताको पहिलो दिन शेयर बजार दोहोरो अंकले घटेको छ । आज शेयर बजार नेप्से परिसूचक २० दशलमव ५४ अंकले घटेर १,९९३ को विन्दुमा कायम भएको छ । आज २८ कम्पनीको शेयर मुल्य बढेको छ भने१९५ कम्पनीको शेयर मुल्य घटेको छ ।
आज २८० कम्पनीको ३८ लाख ९५ हजार २३६ कित्ता १ अर्ब २६ करोड २७ लाख रुपैयाँको शेयर कारोबार भएको छ । आज सबैभन्दा धेरै एशियन लाइफ इन्स्योरेन्स कम्पनीको शेयर कारोबार भएको छ । कम्पनीको ७ करोड ४६ लाख रुपैयाँको शेयर कारोबार भएको छ ।
त्यस्तै, आइएमई लाइफको ५ करोड ४५ लाख रुपैयाँको शेयर करोबार भएको छ । सोल्टी होटलको ४ करोड ९३ लाख रुपैयाँको शेयर कारोबार भएको छ । घोराही सिमेन्टको ४ करोड ९० लाख रुपैयाँको शेयर कारोबार भएको छ ।
