काठमाडौं । नेपाल धितोपत्र बोर्डले ४३ वटा बैंक तथा वित्तीय संस्थाको आस्वा सदस्यता नविकरण गरेको छ। धितोपत्र खरिद (सार्वजनिक निष्काशन) सम्बन्धी निर्देशिका, २०७३ बमोजिम अनुमति तथा नविकरणको लागि योग्यता कायम गरेका बैंक तथा वित्तीय संस्थाहरुलाई आर्थिक वर्ष २०८०/८१ को लागि धितोपत्रको निष्काशन हुदाँको बखत लगानिकर्ताको दरखास्त संकलन तथा तत् सम्बन्धी कार्य गर्न अनुमति प्रदान तथा नविकरण गरिएको बोर्डले जनाएको छ।
बोर्डका अनुसार आस्वा सदस्यता नविकरण भएका कम्पनीहरुमा २० वटा वाणिज्य बैंक, ८ वटा राष्ट्रियस्तरका विकास बैंक, क्षेत्रीय स्तरका ४ वटा विकास बैंक र ११ वटा फाइनान्स कम्पनीहरु रहेका छन् ।
