काठमाडौं । सानिमा बैंकले धादिङको रोराङ गाउँपालिका स्थित ताल्तीमा अवस्थित हुवासिन सिमेन्ट नारायणी प्रा.लि. उद्योगको परिसरमा एटिएम बुथको विस्तार गरेको छ । रोराङ गाउँपालिका, धादिङका स्थानीय बासीहरु माझ वित्तीय पहुँच पुयाउने उद्देश्यले एटिएम बुथको स्थापना गरेको बैंकले जनाएको छ ।
नयाँ विस्तारित एटिएमको उद्घाटन एक समारोहका बीच बेनीघाट रोराङ गाउँपालिका वडा नं २ का अध्यक्ष हेमराज भुजेल, उद्योगका जेनेरल मेनेजर झियाङ चाङ होङ तथा बैंकका प्रमुख संस्थागत निक्षेप रमिला श्रेष्ठ तथा बागमती प्रदेश क्लस्टर २ का प्रमुख निरज सिम्खडाद्वारा संयुक्त रुपमा गरेका हुन् ।
हालसम्म सानिमा बैंकको सातै प्रदेशमा १३२ वटा कार्यालयहरु र १२३ वटा एटिएम संजालहरुमार्फत आफ्नो बैंकिङ सेवा प्रदान गर्दै आइरहेको छ ।
