काठमाडौं । धेरै समय पश्चात् वाणिज्य बैंकको शेयर मूल्यले नेप्सेलाई टेवा दिएको छ । अरु सेक्टर बढ्ने तर वाणिज्य बैंकमा सधै प्रेसर आउने पुरानो प्रवित्ति यो साता भने देखिएन । यो साता नेप्से परिसूचक भन्दा वाणिज्य बैंकको परिसूचकमा धेरै वृद्धि आएको छ । यो साता नेप्से परिसूचक ३ दशमलव ७९ प्रतिशतले वृद्धि हुँदा वाणिज्य बैंकको परिसूचक ७ दशमलव ८९ प्रतिशतले वृद्धि भएको छ ।
१८ वाणिज्य बैंकमध्ये यो साता सिद्धार्थ बैंकको शेयर मूल्य सर्वाधिक वृद्धि भएको छ । बैंकको शेयर मूल्य १३ दशमलव ४८ प्रतिशतले वृद्धि भएको छ । गत साता २४४ दशमलव १० मा बन्द भएको कम्पनीको बजार मुल्य यो साता २७७ मा बन्द भएको छ ।
त्यस्तै दोश्रोमा नेपाल इन्भेष्टमेण्ट मेगा बैंकको शेयर मुल्य एक सातामा १३ दशमलव २१ प्रतिशतले वृद्धि भएको छ । गत साता १७४ दशमलव ९० मा बन्द भएको कम्पनीको बजार मुल्य यो साता १९८ मा बन्द भएको छ ।
अझै ४ वाणिज्य बैंकको शेयर मूल्य २०० मुनी रहेको छ । २०० मुनी शेयर मूल्य रहेका वाणिज्य बैंकमा नेपाल इन्भेष्टमेण्ट मेगा बैंक, सिटिजन्स बैंक इन्टरनेसनल, कुमारी बैंक र प्रभु बैंक रहेका छन् । वाणिज्य बैंकमध्ये प्रभु बैंकको शेयर मूल्य सबैभन्दा कम १७७ रुपैयाँ ५० पैसा रहेको छ ।
