बैंकहरुको ११ महिनाको मुनाफा ७२ अर्ब ७९ करोड, कुन बैंकको कति (सूचिसहित)

काठमाडौं । गत आर्थिक वर्षको ११ महिनामा बाणिज्य बैंक, विकास बैंक र फाइनान्सहरुले ७२ अर्ब ७९ करोड रुपैयाँ मुनाफा आर्जन गरेका छन् । ११ महिनाको अधविमा सर्वाधिक धेरै मुनाफा नविल बैंकले ७ अर्ब ११ करोड रुपैयाँ कमाएको छ । त्यस्तै दोस्रो स्थानमा रहेको ग्लोबल आइएमई बैंकले ६ अर्ब ५० करोड रुपैयाँ कमाउदा तेस्रो स्थानमा रहेको नेपाल इन्भेष्टमेन्ट मेगा बैंकले ४ अर्ब ७६ करोड रुपैयाँ आर्जन गरेको छ ।

मर्जरले बलियो भएका तीन कम्पनीको अगाडी एनआइसी एशिया चौथो स्थानमा रहेको छ । चौथो स्थानमा रहेको एनआइसी एशिया बैंकले ४ अर्ब ६३ करोड रुपैयाँ मुनाफा आर्जन गरेको छ । त्यस्तै राष्ट्रिय बाणिज्य बेंकले ४ अर्ब ४७ करोड,  एनएमबी बैंकले ३ अर्ब ३२ करोड, हिमालयन बैंकले ३ अर्ब २९ करोड,  प्राइम बैंकले ३ अर्ब २१ करोड, स्ट्याण्डर्ड चार्टर्ड बैंकले ३ अर्ब ११ करोड, नेपाल बैंकले तीन अर्ब ७ करोड, एभरेष्ट बैंकले ३ अर्ब ६ करोड रुपैयाँ मुनाफा आर्जन गरेका छन् ।

कुमारी बैंक २ अर्ब ९५ करोड, प्रभु बैंक २ अर्ब ८९ करोड, सानिमा बैंक २ अर्ब २५ करोड, सिद्धार्थ बैंक २ अर्ब २२ करोड, नेपाल एसबिआइ बैंक २ अर्ब २२ करोड, लक्ष्मी बैंक एक अर्ब ६८ करोड, माछापुच्छ्रे बैंक एक अर्ब ६८ करोड, सिटिजन बैंक एक अर्ब ६८ करोड र सन राइज बैंकले एक अर्ब ५९ करोड रुपैयाँ मुनाफा आर्जन गरेको छ ।