काठमाडौं । ज्योति विकास बैंक लिमिटेडले संस्थापक शेयर बिक्री गर्ने भएको छ । बैंकका केही संस्थापक शेयरधनीहरुले आफ्नो नाममा रहेको आंशिक वा पुरा शेयर बिक्रीको लागि आवेदन दिएकाले बैंकले संस्थापक शेयर विक्री गर्न लागेको हो ।
उक्त शेयर खरिद गर्न ईच्छुक विद्यमान संस्थापक शेयरधनीहरुले सूचना प्रकाशित भएको मितिले ३५ दिन भित्र आवश्यक कागजात संकलन गरी बैंकको केन्द्रिय कार्यालय कमलपोखरी, काठमाडौंमा के कति शेयर कित्ता शेयर खरिद गर्ने हो सबै खुलाएर आवेदन दिन बैंकले आग्रह गरेको छ ।
विद्यमान संस्थापक शेयरधनीहरुबाट बैंकले तोकेको समयमा कुनै पनि आवेदन नपरेमा उक्त शेयर अन्य व्यक्ति, संस्था वा जो कोहीलाई बिक्री गरिने बैंकले जनाएको छ ।
