विगत पाँच बर्षको अवधिमा नेपालको बीमा कम्पनीहरुको लगानी करिब साढे २ गुणाले बढेको छ । अर्थमन्त्रालयले संघिय संसदमा प्रस्तुत गरेको आर्थिक सर्वेक्षणको तथ्यांक अनुसार पाँच बर्षको अवधिमा बीमा कम्पनीहरुको लगानी १ अर्ब ४७ करोड रुपैयाँले बढेको छ ।
तथ्यांक अनुसार आर्थिक बर्ष २०७५/७६ को फाल्गुण महिनासम्ममा जीवन बीमा कम्पनीहरुले २ खर्ब ५८ अर्ब रुपैयाँ लगानी गरेका छन् । आ.व २०७१/७२ मा भने कम्पनीहरुले १ खर्ब १० करोड रुपैयाँ मात्रै लगानी गरेका थिए । आ.व २०७२/७३ भने १ खर्ब ३९ अर्ब लगानी गरेको तथ्यांकले देखाएको छ । आव २०७३/७४ मा १ खर्ब ७१ अर्ब र आ.व २०७४/७५ मा २ खर्ब २९ अर्ब रुपैयाँ लगानी गरेका थिए ।
त्यस्तै पाँच बर्षको अवधिमा जीवन बीमा कम्पनीहरुको लगानी साढे दुई गुणाले बढेको छ । आव २०७५/७६ को फाल्गुण महिनासम्ममा कम्पनीहरुले २ खर्ब २३ अर्ब रुपैयाँ लगानी गरेका थिए । आ.व २०७१/७२ भने कम्पनीहरुले जम्मा ९४ अर्ब ७ करोड रुपैयाँ लगानी गरेका थिए ।
त्यस्तै, निर्जीवन बीमा कम्पनीहरुको लगानी भने सवा २ गुणाले बढेको छ । चालु आवको फाल्गुण महिनासम्ममा कम्पनीहरुले ३५ अर्ब रुपैयाँ लगानी गरेका छन् । आव २०७१/७२ मा भने कम्पनीहरुले १६ अर्ब ७९करोड रुपैयाँ लगानी गरेका थिए ।
कम्पनीहरुको लगानी रकम
